ທັມມະຈັກກັປປະວັຕຕະນະສູດ

ທັມະຈັກກັປປະວັຕຕະນະສຸຕຕັງ

ເອວັມເມ ສຸຕັງ ເອກັງ ສະມະຍັງ ພະຄະວາ ພາຣານະສິຍັງ ວິຫະຣະຕິ ອິສິປະຕະເນ ມິຄະທາເຍ ຕັຕຕະຣະ ໂຂ ພະຂະວາ ປັນຈະວັຄຄະເຍ ພິກຂູອາມັນເຕສິ

ທະເວເມ ພິກຂະເວ ອັນຕາ ປັພພະຂິເຕນະ ນະ ເສວິຕັພພາ ໂຍຈາຍັງ ກາເມສຸ ກາມະສຸຂັລລິການຸໂຍໂຄ ຫິໂນ ຄັມໂມ ໂປຖຸຊຊະນິໂກ ອະນະຣິໂຍອະນັຕຖະສັນຫິໂຕ ໂຍ ຈາຍັງ ອັຕຕະກິລະມະຖານຸໂຍໂຄ ທຸກໂຂ ອະນະຣິໂຍ ອະນັຕຖະສັນຫິໂຕ

ເອເຕ ເຕ ພິກຂະເວ ອຸໂພ ອັນເຕ ອະນຸປະຄັມມະ ມັຊຊິມາ ປະຕິປະທາ ຕະຖາຄະເຕນະ ອະພິສັມພຸທທາ ຈັກຂຸກະຣະນີ ຍານະກະຣະນີ ອຸປະສະມາຍະ ອະພິນຍາຍະ ສັມໂພທາຍະ ນິພພານາຍະ ສັງວັຕຕະຕິ

ກະຕະມາ ຈະ ສາ ພິກຂະເວ ມັຊຊິມາ ປະຕິປະທາ ຕະຖາຄະເຕນະ ອະພິສັມພຸທທາ ຈັກຂຸກະຣະນີ ຍານະກະຣະນີ ອຸປະສະມາຍຍະ ອະພິນຍາຍະສັມໂພທາຍະ ນິພພານາຍະ ສັງວັຕຕະຕິ

ອະຍະເມວະ ອະຣິໂຍ ອັຕຖັງຄິໂກ ມັຄໂຄ ເສຍຍະຖີທັງ ສັມມາທິຕຖິ ສັມມາສັງກັປໂປ ສັມມາວາຈາ ສັມມາກັມມັນໂຕ ສັມມາອາຊີໂວ ສັມມາວາຍາໂມ ສັມມາສະຕິ ສັມມາສະມາທິ

ອະຍັງ ໂຂ ສາ ພິກຂະເວ ມັຊຊິມາ ປະຕິປະທາ ຕະຖາຄະເຕນະ ອະພິສັມພຸທທາ ອະພິສັມພຸທທາ ຈັກຂຸກະຣະນີ ຍານະກະຣະນີ ອຸປະສະມາຍະ ອະພິນຍາຍະ ສັມໂພທາຍະ ນິພພານາຍະ ສັງວັຕຕະຕິ

ອິທັງ ໂຂ ປະນະ ພິກຂະເວ ທຸກຂັງ ອະຣິຍະສັຈຈັງ ຊາຕິປິ ທຸກຂາ ຊະຣາປິ ທຸກຂາ ມະຣະນັມປິ ທຸກຂັງ ໂສກະປະຣິເທວະທຸກຂະໂທມະນັສສຸປາຍາປິ ທຸກຂາ ອັປປິເຍຫິ ສັມປະໂຍໂຄ ທຸກໂຂ ປິເຍຫິ ວິປປະ ໂຍໂຄ ທຸກໂຂ ຍັມປິຈສັງ ນະ ລະພະຕິ ຕັມປິ ທຸກຂັງ ສັງຂິຕເຕນະປັນຈຸຸປາທານັກຂັນທາ ທຸກຂາ

ອິທັງ ໂຂ ປະນະ ພິກຂະເວ ທຸກຂະສະມຸທະໂຍ ອະຣິຍະສັຈຈັງ ຍາຍັງ ຕັນຫາ ໂປໂນພພະວິກາ ນັນທິຣາຄະສະຫະຄະຕາ ຕັຕະຣະ ຕັຕະຣາພິນັນທິນີ ເສຍຍະຖີທັງ ກາມະຕັນຫາ ພະວະຕັນຫາ ວິພະວະຕັນຫາ

ອິທັງ ໂຂ ປະນະ ພິກຂະເວ ທຸກຂະນິໂຣໂທ ອະຣິຍະສັຈຈັງ ໂຍຕັສສາ ເຍວະ ຕັນຫາຍະ ອະເສສະວິຣາຄະນິໂຣໂທ ຈາໂຄ ປະຕິນິສສັຄໂຄ ມຸຕຕິ ອະນາລະໂຍ

ອິທັງ ໂຂ ປະນະ ພິກຂະເວ ທຸກຂະນິໂຣທະຄາມິນີ ປະຕິປະທາ ອະຣິຍະສັຈຈັງ ອະຍະເມວະ ອະຣິໂຍ ອັຕຖັງຄິໂກ ມັຄໂຄ ເສຍຍະຖີທັງ ສັມມາທິຕຖິ ສັມມາສັງກັປໂປ ສັມມາວາຈາ ສັມມາກັມມັນໂຕ ສັມມາອາຊີໂວ ສັມມາວາຍາໂມ ສັມມາສະຕິ ສັມມາສະມາທິ (ຢຸດສຽງພ້ອມກັນ ແລ້ວຜູ້ນຳຂຶ້ນສຽງໃຫມ່)

ອິທັງ ທຸກຂັງ ອະຣິຍະສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂັງ ອະຣິຍະສັຈຈັງ ປະຣິນເຍຍຍັນຕິ ເມພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂັງ ອະຣິຍະສັຈຈັງ ປະຣິນຍາຕັນຕິ ເມພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ອິທັງ ທຸກຂະສະມຸທະໂຍ ອະຣິຍະສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂະສະມຸທະໂຍ ອະຣິຍະສັຈຈັງ ປະຫາຕັພພັນຕິ ເມພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງໂຂ ປະນິທັງ ທຸກຂະສະມຸທະໂຍ ອະຣິຍະສັຈຈັງ ປະຫີນັນຕິ ເມພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ອິທັງ ທຸກຂະນິໂຣໂທ ອະຣິຍະສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂະນິໂຣໂທ ອະຣິຍະສັຈຈັງ ສັຈສິກາຕັພພັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂະນິໂຣໂທ ອະຣິຍະສັຈຈັງ ສັຈສິກະຕັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ອິທັງ ທຸກຂະນິໂຣທະຄາມິນີ ປະຕິປະທາ ອະຣິຍະສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂະນິໂຣທະຄາມິນີ ປະຕິປະທາ ອະຣິຍະສັຈຈັງ ພາເວຕັພພັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ

ຕັງ ໂຂ ປະນິທັງ ທຸກຂະນິໂຣທະຄາມິນີ ປະຕິປະທາ ອະຣິຍະສັຈຈັງ ພາວິຕັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ (ຢຸດສຽງພ້ອມກັນ ແລ້ວຜູ້ນຳຂຶ້ນສຽງໃຫມ່)

ຍາວະກີວັນຈະ ເມ ພິກຂະເວ ອິເມສຸ ຈະຕູສຸ ອະຣິຍະສັຈເຈສຸ ເອວັນຕິ ປະຣິວັຕຕັງ ທະວາທະສາກາຣັງ ຍະຖາພູຕັງ ຍານະທັສສະນັງ ນະ ສຸວິສຸທທັງ ອະໂຫສິ

ເນວະ ຕາວາຫັງ ພິກຂະເວ ສະເທວະເກ ໂລເກ ສະມາຣະເກ ສະພຣົມະເກ ສັສສະມະນະພຣາມະນິຍາ ປະຊາຍະ ສະເທວະມະນຸສສາຍະ ອະນຸຕຕະຣັງ ສັມມາສັມໂພທິງ ອະພິສັມພຸທໂທ ປັຈຈັນຍາສິງ

ຍະໂຕ ຈະ ໂຂ ເມ ພິກຂະເວ ອິເມສຸ ຈະຕູສຸ ອະຣິຍະສັຈເຈສຸ ເອວັນຕິປະຣິວັຕຕັງ ທະວາທະສາກາຣັງ ຍະຖາພູຕັງ ຍານະທັສສະນັັງ ສຸວິສຸທທັງ ອະໂຫສິ

ອະຖາຫັງ ພິກຂະເວ ສະເທວະເກ ໂລເກ ສະມາຣະເກ ສະພຣົມະເກ ສັສສະມະນະພຣາມະນິຍາ ປະຊາຍະ ສະເທວະມະນຸສສາຍະ ອະນຸຕຕະຣັງ ສັມມາສັມໂພທິງ ອະພິສັມພຸທໂທ ປັຈຈັນຍາສິງ

ຍານັນຈະ ປະນະ ເມ ທັສສະນັງ ອຸທະປາທິ ອະກຸປປາ ເມ ວິມຸຕຕິ ອະຍະມັນຕິມາ ຊາຕິ ນັຕຖິທານິ ປຸນັພພະໂວຕິ

ອິທະມະໂວຈະ ພະຄະວາ ອັຕຕະມະນາ ປັນຈະວັຄຄິຍາ ພິກຂູ ພະຄະວະໂຕ ພາສິຕັງ ອະພິນັນທຸງ ອິມັສະມິນຈະ ປະນະ ເວຍຍາກະຣະນັສະມິງ ພັນຍະມາເນ ອາຍັສະມະໂຕ ໂກນທັນຍັສສະວິຣະຊັງ ວີຕະມະລັງ ທັມມະຈັກຂຸງ ອຸທະປາທິ ຍັງກິນຈິສະມຸທະຍະທັມມັງ ສັພພັນຕັງ ນິໂຣທະທັມມັນຕິ

ປະວັຕຕິເຕ ຈະ ພະຄະວະຕາ ທັມມະຈັກເກ ພຸມມາ ເທວາ ສັທທະມະນຸສສາເວສຸງ ເອຕັມພະຄະຕາ ພາຣານະສິຍັງ ອິສິປະຕະເນ ມິຄະທາເຍ ອະນຸຕຕະຣັງ ທັມມະຈັກກັງ ປະວັຕຕິຕັງ ອັປປະຕິວັຕຕິຍັງ ສະມະເນນະ ວາ ພຣາມະເນນະ ວາ ເທເວນະ ວາ ມາເຣນະ ວາ ພົຣມມຸນາ ວາ ເກນະຈິ ວາ ໂລກັສະມິນຕິ (ຢຸດສຽງພ້ອມກັນ ແລ້ວຜູ້ນຳຂຶ້ນສຽງໃຫມ່)

ພຸມມານັງ ເທວານັງ ສັທທັງ ສຸຕະວາ

ຈາຕຸມມະຫາຣາຊິກາ ເທວາ ສັທທະມະນຸສສາເວສຸງ ຈາຕຸມມະຫາຣາຊິ

ການັງ ເທເວນັງ ສັທທັງ ສຸຕະວາ

ຕາວະຕິງສາ ເທວາ ສັທທະມະນຸສສາເວສຸງ ຕາວະຕິງສານັງ ເທວານັງ

ສັທທັງ ສຸຕະວາ

ຍາມາ ເທວາ ສັທທະມະນຸສສາເວສຸງ ຍາມານັງ ເທວານັງ ສັທທັງ ສຸຕະວາ

ຕຸສິຕາ ເທວາ ສັທທະມະນຸສສາເວສຸງ ຕຸສິຕານັງ ເທວານັງ ສັທທັງ ສຸຕະວາ

ນິມມມານະຣະຕີ ເທວາ ສັທທະມະນຸສສາເວສຸງ ນິມມານະຣະຕີນັງ ເທວານັງສັທທັງ ສຸຕະວາ

ປະຣະນິິມມິຕະວະສະສັຕຕີ ເທວາ ສັທທະມະນຸສສາເວສຸງ ປະຣະນິມມິຕະວະສະວັຕຕີນັັັັັງ ເທວານັງ ສັທທັງ ສຸຕະວາ (ຖ້າຈະສູດຫຍໍ້ ໃຫ້ສູດ ພຣົມມະກາ ຍິກາ ເທວາ ສັທທະມະນຸສສາເວສຸງ ແລ້ວ ຕໍ່ ເອຕັມ ພະຄະວະຕາ ໄປເລີຍ)

ພຣົມະປະຣິສັຊຊາ ເທວາ ສັທທະມະນຸສສາເວສຸງ ພຣົມະປະຣິສັຊຊານັງເທວານັງ ສັທທັງ ສຸຕະວາ

ພຮົມະປະໂຣຫິຕາ ເທວາ ສັທທະມະນຸຸສສາເວສຸງ ພຣົມະປະໂຮຫິຕານັງ

ເທວານັງ ສັທທັງ ສຸຕະວາ

ມະຫາພຣົມມາ ເທວາ ສັທທະມະນຸສສາເວສຸງ ພຣົມມານັງ ເທວານັງ ສັທທັງ ສຸຕະວາ

ປະຣິຕຕາພາ ເທວາ ສັທທະມະນຸສສາເວສຸງ ປະຣິຕຕາພານັງ ເທວານັງ ສັທທັງ ສຸຕະວາ

ອັປປະມານາພາ ເທວາ ສັທທະມະນຸສສາເວສຸງ ອັປປະມານາພານັງ ເທວານັງ ສັທທັງ ສຸຕະວາ

ອາພັດສະຣາ ເທວາ ສັທທະມະນຸສສາເວສຸງ ອາພັດສະຣານັງ ເທວາ ນັງ ສັທທັງ ສຸຕະວາ

ປະຣິດຕະສຸພາ ເທວາ ສັທທະມະນຸສສາເວສຸງ ປະຣິດຕະສຸພານັງ ເທວານັງ ສັທທັງ ສຸຕະວາ

ອັບປະມານະສຸພາ ເທວາ ສັທທະມະນຸສສາເວສຸງ ອັບປະມານະສຸພານັງ ເທວານັງ ສັທທັງ ສຸຕະວາ

ສຸພະຄິມຫາ ເທວາ ສັທທະມະນຸສສາເວສຸງ ສຸພະຄິມຫານັງ ເທວານັງ ສັທທັງ ສຸຕະວາ

ອະສັນຍິສັດຕາ ເທວາ ສັທທະມະນຸສສາເວສຸງ ອະສັນຍິສັດຕານັງ ເທວານັງ ສັທທັງ ສຸຕະວາ

ເວຫັບຜະລາ ເທວາ ສັທທະມະນຸສສາເວສຸງ ເວຫັບຜະລານັງ ເທວານັງ ສັທທັງ ສຸຕະວາ

ອະວິຫາ ເທວາ ສັທທະມະນຸສສາເວສຸງ ອະວິຫານັງ ເທວານັງ ສັທທັງ ສຸຕະວາ

ອະຕັບປາ ເທວາ ສັທທະມະນຸສສາເວສຸງ ອະຕັບປານັງ ເທວານັງ ສັທທັງສຸຕະວາ

ສຸທັດສາ ເທວາ ສັທທະມະນຸສສາເວສຸງ ສຸທັດສານັງ ເທວານັງ ສັທທັງ ສຸຕະວາ

ສຸທັດສີ ເທວາ ສັທທະມະນຸສສາເວສຸງ ສຸທັດສີນັງ ເທວານັງ ສັທທັງ ສຸຕະວາ

ອະກະນິດຖະກາ ເທວາ ສັທທະມະນຸສສາເວສຸງ.

About ທັມມະທັມໂມ

This is a short description in the author block about the author. You edit it by entering text in the "Biographical Info" field in the user admin panel.