ພຣະ
ວິນັຍປີດົກ
ປະຫວັດ ແລະ
ຄວາມເປັນມາຂອງພຣະໄຕຣປີດົກ
1. ໂຄງສ້າງຂອງພຣະໄຕຣປີດົກ
ສາສນາທຸກສາສນາ ມີຄໍາພີ ຫຼື
ຕໍາລາທາງສາສນາເປັນຫຼັກໃນການສັ່ງສອນເຖິງແມ່ນວ່າແຕ່ເດີມ ຈະບໍ່ຂີດຂຽນເປັນລາຍລັກອັກສອນ
ແຕ່ເມື່ອມະນຸດຮູ້ຈັກໃຊ້ຕົວອັກສອນໜັງສືກໍ່ໄດ້ມີການຂຽນ
ການຈາລຶກຄໍາສອນໃນສາສນານັ້ນໆໄວ້ເມື່ອໂລກຈະເລີນຂຶ້ນຂັ້ນມີການພີມໜັງສືເປັນເຫລັມໆໄດ້
ຄໍາພີສາສນາເຫຼົ່ານັ້ນກໍ່ມີຜູ້ພີມເປັນເຫລັ່ມຂຶ້ນໂດຍລໍາດັບ.
ພຣະໄຕຣປີດົກ ຫຼື
ເປັນພາສາບາລີວ່າຕິປິດົກນັ້ນເປັນຄໍາພີ ຫຼື
ຕໍາລາທາງພຸດທະສາສນາເຊັນດຽວກັບໄຕຣເວດເຊິ່ງເປັນຄໍາພີຂອງສາສນາພຣາມ ໃບເບິດຂອງສາສນາຄຣິດ
ອັນກຸຣະອານຂອງສາສນາອິດສະລາມ ດັ່ງນັ້ນຈະກ່າວໂດຍສັບວ່າ ຄໍາວ່າ ພຣະໄຕຣປີດົກ ແປວ່າ 3 ຄໍາພີ
ເມື່ອແຍກເປັນຄໍາໆວ່າ ພຣະ +ໄຕຣ+ປີດົກ = ຄໍາວ່າ ພຣະ ເປັນການສະແດງຄວາມເຄົາລົບ ຫຼື
ຍົກຍອງ ຄໍາວ່າ ໄຕຣ ແປວ່າ 3 ຄໍາວ່າ ປີດົກ ແປ ໄດ້ 2 ຢ່າງ
ຄືແປວ່າ ຄໍາພີ ຫຼື ຕໍາລາຢ່າງໜຶ່ງແປວ່າ ກຣະຈາດ ຫຼື ກະຕ່າ ຄວາມໝາຍລວມວ່າ
ທີເກັບລວບລວມຂອງຄໍາສັ່ງສອນຂອງພຣະພຸດທະເຈົ້າໄວ້ເປັນໝວດໝູ່ ບໍ່ໃຫ້ກະຈັດກະຈາຍຫາຍໄປ
ເຊັນກັບ ກະຕ້າທີໃຊ້ຂອງເພື່ອບໍໃຫ້ຂອງຫາຍໄປເຊັນນັ້ນ.
ພຣະໄຕຣປີດົກແບງອອກເປັນ
3 ຄໍາພີ ໃຫຍ່ຄື:
1. ວິນັຍປີດົກ
: ວ່າດ້ວຍວິນັຍ ຫຼື ສີລຂອງພິຂຸກ ພິຂຸນີ
2. ສູດຕັນຕະປີດົກ : ວ່າດ້ວຍພຣະທັມມະເທດສະນາທົ່ວໆໄປ
3. ອະພິທັມປີດົກ : ວ່າດ້ວຍທັມມະລ້ວນໆ ຫຼື ທັມມະທີສໍາຄັນ
1.2 ພຣະ
ວິນັຍປີດົກ
ພຣະວິນັຍປີດົກຄື
ຄໍາພີທີ່ປະມວນລະບຽບຂໍ້ບັງຄັບຂອງບັນພຣະສິດທີ່ພຣະພຸດທະເຈົ້າບັນຍັດ ໄວ້ສໍາລັບພິຂຸ
ພິຂຸນີ ມີໂຄງສ້າງເນື້ອຫາຄໍາພີ 5 ຄໍາພີ ມີການແບງໂຄງສ້າງ 3 ແບບຄື.
ແບບທີ 1 ປາກົດໃນຄໍາພີຊິຣສາລັດສັງຄະຫະ ທີ່ພຣະຣັດນະປັນຍາເຖຣະຈນາຂຶ້ນເມື່ອ
ພ.ສ. 2075 ຂໍ້ 22 ມີຫົວໃຈຄໍາພີວ່າ
ອາ ປາ ມະ ຈູ ປະ ມີຄວາມໝາຍດັ່ງນີ້.
ອາ : ອາທິກັມມະ
ເປັນຊື່ຄໍາພີທີ່ລວມສິກຂາບົດກ່ຽວກັບອາບັດໜັກ ໄດ້ແກ່ ປາຣາຊິກ ສັງຄາທິເສສ ແລະ
ອະນິຍົດ
ປາ : ປາຈິດຕີ ເປັນຄໍາພີທີ່ລວມສິກຂາບົດທີ່ກ່ຽວກັບອາບັດເບົາ
ໄດ້ແກ່ ນິສສັກຄີປາຈິຕີ ປາຕິເທສະນິຍະ ເສຂີຍະວັດຕ໌ ແລະ ອະນິອະທິກອນສະມະຖະ
ຊຶ່ງເປັນວິທີລະງັບອະທິກອນລວມເຖິ່ງພຣະບັນຍັດຝ່າຍພຣະພິສຸນີທີຮຽກວ່າພິຂຸນີວິພັງຄ໌ທັ່ງໝົດ.
ມະ : ມະຫາວັກຄ໌
ເປັນຊື່ຄໍາພີທີ່ປະມວນສິກຂາບົດທີ່ມານອກພຣະປາຕິໂມກຕອນຕົ້ນແບ່ງອອກເປັນ 10 ຂັນທະກະ
ຫຼື 10 ຕອນ.
ຈູ : ຈູຣະວັກຄ໌
ເປັນຊື່ຄໍາພີທີປະມວນສິກຂາບົດທີມານອກພຣະປາຕິໂມກພຣະປາຕິໂມກຕອນປາຍແບ່ງອອກເປັນ 12 ຂັນທະກະ
ຫຼື 12 ຕອນ.
ປະ : ປະຣິວາດ ເປັນຄໍາພີສ່ວນປະກອບຫຼືພາກພະນວດ
ທີ່ປະມວນເນື້ອງຫາສາລະຂອງພຣະວິນັຍທັງໝົດເຂົ້າມາໄວ້ດ້ວຍກັນໃນລັກສະນະເປັນຄໍາຖາມ ແລະ
ຄໍາຕອບ
ເພື່ອໃຫ້ເປັນຄູ່ມືສໍາລັບຊັກຊອບຄວາມຮູ້ໃນພຣະວິນັຍໃຫ້ງ່າຍຕໍຄວາມເຂົ້າໃຈຍິ່ງຂຶ້ນ.
ແບບທີ່ 2 ປາກົດໃນຄໍາພີ
ວະຊິຣາສາຣັດຖະສັງຄະຫະຂໍ້ 398 ວ່າ “ປາປາມະຈຸປິຕິ
ປັນຈະວິທັງ ວິນັຍປິຕະກັງ” ພຣະວິນັຍປີດົກມີ 5 ຄໍາພີຄື
ປາ ປາ ມະ ຈູ ປະ ທ່ານແບ່ງພຣະວິນັຍອອກເປັນ 5 ຄໍາພີ
ມີຄໍາພີ ປາ ປາ ມະ ຈູ ປະ ມີຊື່ຄໍາພີແບບທີ 1 ຕ່າງກັນແຕໍ່ຄໍາທໍາອິດຄື.
ປາ : ປາຣາສິກ
ປາ : ປາຈິດຕີ
ມະ : ມະຫາວັກຄ໌
ຈູ : ຈູຣະວັກຄ໌
ປະ : ປະຣິວາດ
ແບບທີ່ 3 ມີຫົວໃຈຄໍາພີວ່າ ມະ ພິ ມະ ຈູ ປະ ມີຊື່ຄໍາດັ່ງນີ້
ມະ : ມະຫາວິພັງຄ໌
ພິ : ພິຂຸນີວິພັງ
ມະ : ມະຫາວັກຄ໌
ຈູ : ຈູຣະວັກຄ໌
ປະ : ປະຣິວາດຄ໌
ນອກຈາກນີ້ຍັງມີການຈັດແບ່ງອອກເປັນ 3 ຄໍາພີຮຽກຊື່ວ່າ
ສຸ ຂະ ປະ ບ່າງ ວິ ຂະ ປະ ຊຶ່ງອັກສອນຫຍໍ້ເຫຼົ່ານີໝາຍເຖິ່ງ.
ສຸ : ສຸຕະວິພັງຄ໌
ເປັນຊື່ຄໍາພີທີ່ປະມວນສິກຂາບົດໃນມະຫາວິພັງ ຫຼື ພິຂຸນີວິພັງຄ໌
ໄວ້ດ້ວຍກັນສ່ວນຊື່ຫຍໍ້ວ່າ ວິ ກໍຄື ມະຫາວິພັງຄ໌ຄື ພິຂຸກ ແລະ ພິຂຸນີວິພັງ
ເປັນຊື່ຄໍາພີທີ່ປະມວນສິຂາບົດຈາກທັງ 2 ວິພັງມາໄດ້ດ້ວຍ.
ຂະ : ຄື
ຂັນທະກະ ເປັນຊີ່ຄໍາພີທີ່ປະມວນສິກຂາບົດທີ່ມານອກພຣະປາຕິໂມກທັ້ງໃນສ່ວນຂອງມະຫາວັກຄ໌
ແລະ ຈູຣະວັກເຂົ້າໄວ້ດ້ວຍກັນ.
ປະ : ປະຣິວາຣ
ເປັນຄໍາພີສ່ວນປະກອບ ຫຼື ພາກພະໜວດ.
1.3 ເນື່ອງຫາຂອງພຣະວິນັຍປີດົກ
ພຣະວິນັຍປີດົກຄື
ປະມວນພຸດທະວະຈະນະໝວດພຣະວິນັຍຄື ພຸດທະບັນຍັດກ່ຽວກັບຄວາມ ປະພຶດ ຄວາມເປັນຢູ່
ຂະນົບທໍານຽບ ແລະ ການດໍາເນີນກິດຈະການຕ່າງໆຂອງພິຂຸສົງ ແລະ ພິສຸນີສົງແບ່ງເປັນ 5 ຄໍາພີ
(ຮ່ຽກວ່າ ອາ ປາ ມະ ຈຸ ປະ ) ຈໍານວນ 8 ເຫລັ່ມ.
ເຫລັ່ມທີ 1 ມະຫາວິພັງ ພາກ 1 ວ່າດ້ວຍສິກຂາບົດໃນປາຕິໂມຝ່າຍພິຂຸສົງຄ໌
(ຫຼື ເປັນຂໍ້ບັງຄັບໃຫ້ກັບພຣະພິຂຸສົງຄ໌ ) 19 ຂໍ້ທໍາອິດຊຶ່ງຢູ່ໃນອາບັດໜັກ
ຫຼື ຄວາມຜິດສະຖານໜັກຄື ປາຣະຊິກ ສັງຄາທິເສດ ອະນິຍົດ.
ເຫລັ່ມທີ 2 ມະຫາວິພັງຄ໌ ພາກ 2 ວ່າດ້ວຍສິຂາບົດໃນປາຕິໂມກຝ່າຍພິຂຸສົງ
ຂໍ້ທີ່ເຫຼື່ອເຊິ່ງຢູ່ໃນຣະດັບອາບັດເບົາ ຫຼື ຄວາມຜິດສະຖານເບົາຄື
ຕັ້ງແຕ່ນິສັກຄີປາຈິຕິຍ໌ ຈົນຄົບສິກຂາບົດ 227 ຫຼື ສີລ 227.
ເຫລັ່ມທີ 3 ພິຂຸນີວິພັງ ວ່າດ້ວຍສີລຂອງພິຂຸນີ 311 ຂໍ້.
ເຫລ່ມທີ 4 ມະຫາວັກຄ໌ ພາກ 1 ວ່າດ້ວຍສິກຂາບົດນອກປາຕິໂມກ
(ລະບ່ຽບຂໍ້ບັ່ງຄັບທົ່ວໄປກ່ຽວກັບຄວາມເປັນຢູ່ ແລະ ການດໍາເນີນກິດຈະການຂອງພິຂຸສົງຄ໌)
ຕອນຕົ້ນ ມີ 4 ຂັນທະກະ (ໝວດ)ຄື ເລື່ອງກໍາເນິດພິຂຸສົງຄ໌ ແລະ
ການອຸປະສົບບົດ ອຸໂບສະຖະ ຈໍາພັນສາ ແລະ ປະວາຣະນາ.
ເຫລັ່ມທີ 5 ຈູຣະວັກ
ພາກ 2 ວ່າດ້ວຍສິຂາບົດນອກປາຕິໂມກຕອນຕົ້ນ (ຕໍ່) ມີ 6 ຂັນທະກະ(ໝວດ)
ຄື ເລື່ອງເຄື່ອງໜັງ ເພສັດຊ໌ ຈີວອນ ນິຄະຫະກໍາ ແລະ ການທະເລະວິວາດ ແລະ ສາມະຄີ.
ເຫລັ່ມທີ 6 ຈູຣະວັກຄ໌
ພາກ 1 ວ່າດ້ວຍສິຂາບົດນອກປາຕິໂມກຕອນປາຍມີ 4 ຂັນທະກະຄື
ເລື່ອງນິຄະຫະກໍາ ວຸທານະວິທີ ແລະ ການລະງັບອະທິກອນ.
ເຫລັ່ມທີ 7 ຈູຣະວັກ ພາກ 2 ວ່າດ້ວຍສິກຂາບົດນອກປາຕິໂມຕອນປາຍ(ຕໍ່)
ມີ 8 ຂັນທະກະ ຄື ເລື່ອງຂໍ້ບັນຍັດເລັກນ້ອຍ ເລື່ອງເສນາສະນະ
ສັງຂະເພດ ວັດຕ່າງໆການສວດປາຕິໂມກ ເລື່ອງພິຂຸນີ ເລື່ອງສັງຄາຍະນາຄັ້ງທີ 1 ແລະ
ຄັ້ງທີ 2.
ເຫລັ່ມທີ 8 ປະຣິວາຣ ຄູ່ມືການຖາມຕອບຊ້ອມຄວາມຮູ້ພຣະວິນັຍ.
ພຣະອະຖະກະຖາຈານກ່າວວ່າ ພຣະໄຕຣປີດົກມີເນື່ອຫາທັງໝົດ 84000 ພຣະທັມມະຂັນແບ່ງເປັນ
ພຣະວິນັຍປີດົກ 21,000 ພຣະທັມມະຂັນ ພຣະສູດຕັນຕະປີດົກ 21,000 ພຣະທັມມະຂັນ
ພຣະອະພິທັມ 42,000 ພຣະທັມມະຂັນ.
-----------------------
ໝາຍເຫດ: ຫຼັງຈາກທ່ານອ່ານແລ້ວກະລຸນາຂຽນຄອມເມັນບອກວ່າ
ອັກຂະລະໃດມີ່ຜິດ ເພາະຜູ້ຂຽນບໍມີທີມງານຊວຍໃນການກອດແກ້ ມີແຕ່ຄວາມສັດທາ ແລະ ປາດຖະໜາດີ
(ຄົນດຽວ)
ความคิดเห็นนี้ถูกผู้เขียนลบ
ตอบลบພັນເຕ ຂະນ້ອຍອ່ານແລ້ວ ກໍ່ມີຂໍ້ຜິດພາດໜ້ອຍໜຶ່ງ ອາດເປັນຍ້ອນເທັກນິກການພິມ ເພາະຂຶ້ນຕົ້ນກໍ່ຜິດແລ້ວ ຢ່າງເຊັ່ນ: ສາສະນາ ຫຼື ສາສະໜາ ກໍ່ພິມເປັນ ສານສະນາ, ສັ່ງສອນ ກໍ່ອອກເປັນ ສ່ງສອນ ແລະ ການໃຊ້ວັນນະຍຸດໃຊ້ໄມ້ເອກ-ໄມ້ໂທ ກໍ່ຍັງຕົກຫຼົ່ນຢູ່... ໃນຄວາມຄິດເຫັນສ່ວນຕົວ ກໍ່ຢາກມີຄຳເຫັນໜ້ອຍໜຶ່ງ ໃນເລື່ອງຂອງການໃຊ້ພະຍັນສະນະ ຢາກໃຫ້ໃຊ້ເປັນແບບພະຍັນສະນະລາວໃນຍຸກໃໝ່ ເພາະຄົນທີ່ຈະເລີ່ມຕົ້ນຮຽນຕໍ່ຈາກນີ້ໄປກໍ່ລ້ວນແຕ່ເປັນຄົນລາວທີ່ໃຊ້ພະຍັນສະນະແບບໃໝ່ ຢ່າງເຊັ່ນ: ສັງຄາທິເສສ ກໍ່ຄວນໃຊ້ ສັງຄາທິເສດ. ແບບວ່າພາສາລາວເປັນພາສາທີ່ມີພະຍັນສະນະສົມບູນ ບໍ່ຂາດບໍ່ເກີນ... ຢ່າງເຊັ່ນ: ມະຫາວິພັງຄ໌ ມັນຈະເປັນແບບການໃຊ້ພະຍັນສະນະໄທ ຖ້າພະຍັນສະນະລາວກໍ່ຄວນເປັນ ມະຫາວິພັງ (ຖ້າຜິດພາດປະການໃດກໍ່ຂໍອະໄພນຳ) ເພາະນີ້ເປັນຄວາມເຫັນສ່ວນຕົວເທົ່າທີ່ເຄີຍຮຽນມາຫຼັງຈາກມີການປະກາດໃຊ້ພາສາລາວແບບໃໝ່
ตอบลบດີແທ້ກໍ່ຢາກໃຫ້ໃຊ້ຟ້ອນຕ໌ເປັນຟ້ອນຕ໌ ST-OT ສ່ວນຂະໜາດແມ່ນໃຫ້ໃຫຍ່ຂຶ້ນເປັນ 12 ຫຼື 14 ກໍ່ຍິ່ງດີ...
ลบໂດຍ
ลบ